"Сыңғырла, күміс қоңырау" атты салтанатты жиын

“Көшкентал орта мектебі, мектепке дейінгі шағын орталығымен” коммуналдық мемлекеттік мекемесінде соңғы қоңырау күніне орай “Сыңғырла, күміс қоңырау” атты салтанатты жиын өтті. Салтанатты жиынға 30 жылдық түлектерде келіп, өз сынып жетекшілерімен кездесу өткізді. Салтанатты жиында аудандық, облыстық байқаулардан жүлделі орын алған оқушылар мен мұғалімдер марапатталды. Сонымен қатар, жас түлектер, соңғы қоңырауын соғып, ән шырқап, соңғы вальс биледі. Мектеп табалдырығын кеше аттаған жас бүлдіршіндер бүгін қанат қағып, үлкен өмірге аяқ басты. Сәт сапар, жас түлек!