«Қыс мезгіліндегі қауіпсіздік ережелері» тақырыбында танымдық сабақ

Жылдың қыс мезгілі тәжірибеде көрсеткендей, балалар мен ересектер үшін жарақат алудың жиі болатын қауіпті кезеңі болып табылады. Осыған байланысты, қыс мезгілінде балалардың жарақат алуын болдырмау мақсатында, 1–11 сынып оқушылары арасында «Қыс мезгіліндегі қауіпсіздік ережелері» тақырыбында директордың тәрбие ісі жөніндегі орынбасары Б.Жексенбай танымдық сабақтарын өткізді.
 Мақсаты: Оқушылардың қысқы демалыс кезінде сақтауға тиіс қауіпсіздік ережелерімен таныстыру, өмір қауіпіздігі туралы сауаттылығын арттыру, жауапты болуға мұқият және сақ жүруге тәрбиелеу.
 Танымдық сабақ барысында оқушыларға қыс кезеңіндегі негізгі қауіпсіздік шаралары туралы толықтай айтып беріп, қатты бұрқасын, қар жауу және көктайғақ жағдайында не істеу керек және үсуді қалай болдырмау керектігін түсіндіріп берді. Түсіндірме жұмыстарының тақырыбын ашу және оқыту барысында оқушылардың неғұрлым жақсы қабылдауы үшін слайдтар мен бейнематериалдар көрсетілді. Басты назар мұзда өзін қалай ұстау керектігіне және ондағы балалар ойынының қауіптілігі туралы айтылды.
 Қауіпсіздік шараларын әрдайым орындау - балаларға қалыптасқан жағдай болуы керек, ал ол үшін шұғыл жағдайдан аман шығудың тиімді жолдарын дер кезінде айту мен қауіптен сақтандыруымыз аса маңызды.