Мектеп тарихы
Мектептің аты:"Көшкентал орта мектебі, МДШО” коммуналдық мемлекеттік мекемесі
Ғимараттың салынған жылы: 1969 жылы
Жалпы аумағы:1806 м кв.
Бөлмелер саны: 17
Оқыту тілі:Қазақша
Типтік емес 320 оқушыға арналған
Күрделі жөндеуден өткен жылы: 2012 жыл, жылу жүйесі 27 млн
Мектеп тарихы 20 ғасырдың 1 ші жартыжылдығында бастау алған. 1929 жылы алғашқы сауат ашу басталып, 1934 жылы ауыл орталығында жарты жылдық мектеп өмірге келді. Алғашқы мұғалім Малдыбаев Есбай ағай болды. 1954 жылы 7 жылдық мектеп болып, 1958 жылы 8 жылдыққа айналды. 1968 -69 оқу жылында сол кездегі колхоздың төрағасы Түшкенов Нұрболаттың басшылығымен колхоз қаржысына Көшкентал орта мектебі салынып, еңселі жаңа мектеп бой көтерді. 50 жылдық тарихы бар Көшкентал орта мектебін 10-нан аса директорлар басқарып, 1000-нан астам оқушыны қанат қақтырды.
Адамзат баласының Күннен кейінгі ең бірінші шамшырағы білім болса, осы білім мен ізгілік нұрын жас ұрпақ бойына сіңіріп жүрген мамандық иелері – ұстаздар қауымы. Мектеп тарихын жазатын да сол мектепті тарихқа енгізетін де осы ұстаз. Ұстаз — жас ұрпақты, жалпы адамды ізгілікке баулып, жақсылыққа тәрбиелейтін, білім беретін оқытушы, оқу-тәрбие жұмысын жүргізуші маман. Мектеп тарихына таңба басқан ұстаздар да жетерлік.
Білім берудің қазіргі жаңа құрылымы және оқу-әдістемелік мазмұнының өзгеруі мұғалімдердің кәсіби шеберліктерін жаңартуын, шығармашылық ізденістерін шыңдауын қажет етеді.