Есірткінің заңсыз айналымына қатысудың құқықтық салдары

“Есірткінің заңсыз айналымына қатысудың құқықтық салдары” тақырыбында 5-11 сынып оқушыларымен жиын өткізілді. Мақсаты – оқушыларға есірткі заттарының зияны мен олардың заңсыз айналымына қатысудың құқықтық салдарын түсіндіру, салауатты өмір салтын насихаттау және құқық бұзушылықтың алдын алу.

Іс-шара барысында оқушылар Қазақстан Республикасының Қылмыстық кодексі аясындағы жауапкершілік түрлерімен танысып, зиянды әдеттердің адам өміріне тигізетін кері әсері туралы ақпарат алды. Сонымен қатар, оқушылар өз ойларын ортаға салып, белсенді түрде пікір алмасты. Жиын ауыл емханасы мамандары, жастар нұсқаушысы, учаскелік полиция инспекторының қатысуымен өткізілді.